MANILA, Philippines – Inanunsyo ng Department of Transportation (DOTr) na magbibigay ng dalawang-buwang toll discount sa public utility vehicles (PUVs), public utility buses (PUBs), at mga sasakyang pang-freight sa pangunahing tollways simula Lunes, Marso 23.
Layunin ng hakbang na ito na “alleviate the effects of soaring gas prices on the transport sector” dahil sa tensyon sa Middle East.
Sakop ng diskwento ang North Luzon Expressway (NLEx), South Luzon Expressway (SLEx), at Southern Tagalog Arterial Road (STAR). Makakatipid ang Class 1 PUVs ng hanggang P18 per trip, Class 2 PUBs ng hanggang P47, at Class 3 freight vehicles ng hanggang P72 per trip.
Ayon sa DOTr, ibibigay ang diskwento sa pamamagitan ng weekly rebates sa mga kwalipikadong sasakyan. Bagamat naka-iskedyul lamang sa dalawang buwan, puwede itong palawigin depende sa review.
Nitong Huwebes, inanunsyo rin ng DOTr ang 50% discount sa lahat ng pasahero ng LRT-2 at MRT-3 simula Lunes dahil sa patuloy na pagtaas ng presyo ng langis. RNT/MND
