MANILA, Philippines – Magbibigay ng libreng sakay ang Department of Transportation (DOTr) sa LRT-1, LRT-2, at MRT-3 mula Disyembre 14 hanggang 25.
Ayon sa post ng DOTr sa Facebook, ito ay alinsunod sa utos ni Pangulong Ferdinand Marcos Jr. upang masiguro ang ligtas at komportableng biyahe ngayong kapaskuhan.
Makikinabang ang iba’t ibang sektor sa takdang araw: senior citizens sa Disyembre 14, estudyante sa Disyembre 15, OFWs at pamilya sa Disyembre 16, guro at health workers sa Disyembre 17, PWD at lalaki sa Disyembre 18, government employees sa Disyembre 19, kababaihan sa Disyembre 20, pamilya sa Disyembre 21, solo parents at LGBTQIA+ sa Disyembre 22, private sector employees at kasambahay sa Disyembre 23, uniformed personnel, beterano at pamilya sa Disyembre 24, at lahat ng pasahero sa Disyembre 25.
Ipinahayag din ng LRT-2 management na pinalawig ang operating hours simula Disyembre 9 upang mas maraming pasahero ang masakyan sa panahon ng Kapaskuhan. Dave Baluyot
