MANILA, Philippines – Binatikos ni Ombudsman Jesus Crispin Remulla nitong Sabado, Agosto 15 ang Department of Public Works and Highways (DPWH) sa umano’y pagkabigo nitong maghatid ng high quality establishments sa iba’t ibang ahensya ng pamahalaan.
Sa programa, tinukoy ni Remulla ang University of the Philippines-Philippine General Hospital (UP-PGH) Cancer Center Project na nagkakahalaga ng P9 bilyon para sa bidder.
“Kaya PPP (public-private partnership) ‘yan. ‘Pag binigay mo sa DPWH, iba na naman hitsura niyan,” ani Remulla.
Idinagdag pa niya ang bagong istruktura ng Bureau of Immigration, na mahigit P8 bilyon na ang ginastos at “10 years in the making” na.
Hinimok din niya ang National Bureau of Investigation na bumili na lamang ng lumang gusali sa halip na magtayo ng bago.
“Ang sabi ko nga kay (NBI Director) Melvin Matibag, huwag niyo na ituloy ang building ng NBI, bumili na lang kayo ng building… Ang pangit ng lalabas diyan,” aniya.
“We have to take a cue from the quality of work that happens with government projects… As it is right now, wala tayong maasahan sa [DPWH],” dagdag nito.
Aniya, ang mga lumang gusali na ibinenta ay mas matino pa kaysa sa mga bagong itinatayo.
“I-compare mo ngayon ‘yung mga buildings na pinagbibili kaysa sa mga ipapagawa natin. Hindi kayang gawin ng gobyerno ‘yung quality. Mura pa, ang ganda ng building… Bumili ka na lang sa private sector. Parang PPP rin ‘yan in reverse.”
Sang-ayon naman si DPWH Secretary Vince Dizon sa sentimyento ni Remulla sa mga proyektong nasa ilalim ng PPP.
“I fully agree with what Ombudsman Boying Remulla said — that until the internal systems and culture within the DPWH are thoroughly reformed, Public-Private Partnerships (PPPs) remain the far better option for large-scale, complex infrastructure like government buildings,” saad sa pahayag ni Dizon.
“I have always been a strong, consistent advocate of PPPs whenever they are viable. Through PPPs, we can guarantee timeliness, high quality, and cost efficiency—standards that the public deserves.”
Dismayado rin si Dizon sa mga kalidad ng imprastruktura na tinukoy ng Ombudsman.
“In fact, nagalit talaga ako nu’ng nalaman ko ‘yung delay sa Bureau of Immigration (BI) building project. The design is so poorly executed that the driveway can barely accommodate normal-sized vehicles. This is unacceptable, and it highlights the exact structural problems,” sinabi pa nito.
“Regarding the National Bureau of Investigation (NBI) building, I will personally talk to NBI Director Melvin Matibag. DPWH is more than willing to discontinue the current project so that the NBI can explore far better, more practical options for its headquarters.”
Siniguro naman ni Dizon na makikipagtulungan sila sa Office of the Ombudsman to “aggressively pursue reforms within the Department for as long as I hold this position.” RNT/JGC
