MANILA, Philippines – Sinusuri na ng regional directors at district engineers ng Department of Public Works and Highways (DPWH) ang mga apektadong lugar na apektado ng 7.5 magnitude na lindol sa Davao Oriental.
Sa inilabas na impormasyon ng DPWH, nakaantabay sila sa magiging report ng kanilang nga tauhan na kasalukuyang nasa ground para alamin ang lala ng pinsala ng naturang lindol.
Tiniyak ng DPWH na nakatutok sila sa sitwasyon at agad na maglalabas ng datos at update.
Alas-10 ng umaga nang yanigin ng 7.5 magnitude quake ang rehiyon ng Davao kung saan maging ang kalapit na probinsya ay naramdaman ang malakas na lindol. Jocelyn Tabangcura-Domenden
