MANILA, Philippines – Inanunsyo ni DPWH Secretary Vince Dizon na naghain ng irrevocable resignation si DPWH Usec. Arrey Perez na isa sa inakusahang konektado umano sa mga kontratista.
Sinabi ni Dizon na nagbitiw si Perez para hindi maapektuhan ng kontrobersiya ang pagsisikap ng DPWH.
Pero sinabi rin ng kalihim na iimbestigahan pa rin si Perez at binigyang-diin na ang krusada laban sa katiwalian ay hindi dapat batay sa sabi-sabi kundi sa katotohanan.
Si Perez ay kabilang sa limang bagong undersecretaries ng DPWH.
Nanumpa siya bilang Undersecretary for Operations in charge of Convergence Projects and Technical Services noong Setyembre 5.
Nag-ugat ang alegasyon kay Perez sa paratang ni Batangas 1st District Rep. Leandro Leviste. Jocelyn Tabangcura-Domenden
