MANILA, Philippines- Ibinasura ng Commission on Elections nitong Martes ang poll disqualification case laban sa Senate candidates na sina Ben at Erwin Tulfo, at iba pang miyembro ng kanilang angkan.
Sinabi ng Comelec First Division na ang petisyon ay “insufficient.”
Giit nito, hindi nakapagbigay ang petitioner ng mga kopya ng certificates of candidacy ng mga respondent, “which would have been vital in order to properly verify the necessary information alleged in the petition.”
“Consequently, it cannot also be verified whether the petition was properly served to the respondents,” saad sa Comelec order.
Sinabi ng petitioner na si Virgilio Garcia na saklaw ang respondents ng ban ng 1987 Constitution sa political dynasties.
“There is already an existing anomalous scandalous father mother son in congress and this family wants to add three more making a total of seven of them, all in the same Congress. That is clearly a concentration of political power in one family,” wika ni Garcia.
Kabilang sa respondents sina Rep. Jocelyn Tulfo, Rep. Ralph Tulfo, at dating Tourism Secretary Wanda Tulfo-Teo.
Si Rep. Jocelyn Tulfo, reelectionist, ay asawa ni Sen. Raffy Tulfo.
Anak naman nina Jocelyn at Raffy si Rep. Ralph Tulfo – reelectionist para sa ikalawang distrito ng Quezon City.
Samantala, si Tulfo-Teo ang first nominee ng Turismo party-list. RNT/SA
