Drayber ng SUV utas, 8 sugatan sa aksidente sa Cavite

MANILA, Philippines – Nasawi ang drayber ng isang SUV habang sugatan naman ang walo iba pa matapos silang maaksidente sa Dasmariñas, Cavite.

Ang insidente ay nangyari sa Mangubat Avenue kung saan sa kuha ng CCTV, nakita ang SUV na sumalpok sa center island.

Pagkasalpok ay saka ito tumagilid hanggang sa umusok. Wasak ang harap ng sasakyan.

Agad na dinala sa ospital ang mga sakay ng SUV subalit namatay ang drayber kalaunan. RNT/JGC