MANILA, Philippines- Nakipagtulungan ang Department of Social Welfare and Development (DSWD) sa kaukulang local government units (LGUs) sa paghahatid ng pamasko sa Mt. Kanlaon evacuees sa pamamagitan ng holiday-special activities sa evacuation centers sa Regions 6 (Western Visayas) at 7 (Central Visayas).
Sinabi ni DSWD Assistant Secretary for Disaster Response Management Group (DRMG) Irene Dumlao na kabilang ang pamamahagi ng pagkain at mga regalo at mga palaro sa mga aktibidad para sa evacuees, na isinagawa noong Dec. 24 at 25.
“We worked together to pool our resources to organize these activities so that we can bring in the spirit of Christmas to our Internally Displaced Persons (IDPs) despite the challenging times,” ani Dumlao, tagapagsalita rin ng DSWD, sa isang news release nitong Huwebes.
Nanatiling naka-duty ang mga tauhan ng DSWD Field Offices (FO) 6 at 7 kahit holiday upang pangasiwaan ang resource augmentation sa LGUs at tulong para sa IDPs, aniya.
“This has been the protocol since Kanlaon erupted and raised its volcanic status to Alert Level 3. We make sure that even on weekends or holidays, our disaster response teams are on full alert to swiftly address the needs of affected families and individuals,” ani Dumlao.
Nakapagbigay na ang DSWD ng humanitarian assistance na nagkakahalaga ng mahigit P52 milyon sa mga pamilyang apektado ng volcanic activities ng Mt. Kanlaon base sa ulat ng Disaster Response Operations Management, Information and Communication (DROMIC) hanggang alas-6 ng umaga nitong Huwebes.
May kabuuang 11,883 pamilya ang naiulat na apektado, kung saan 4,454 pamilya o 14,186 indibidwal ang nananatili sa 32 open evacuation centers.
“Rest assured that the DSWD will remain in close coordination with the concerned localities. We are not putting our guards down and will continue to extend all required assistance until our kababayans are able to return to their normal lives and the situation settles down,” giit ni Dumlao. RNT/SA
