MANILA, Philippines – UMATRAS na si Vice-President Sara Z. Duterte sa plano nitong lumabas ng bansa simula Abril 23 hanggang Mayo 16, 2026 matapos ang tila gipit na oras na pagpayag ng Office of the President sa kanyang inihirit na travel authority,
Sa isang inilabas na pahayag, nasasalamat si VP Sara sa Office of the President sa gitna ‘last-minute’ na pag-apruba ng travel authority na tinintahan ni Acting Executive Secretary Ralph Recto, may petsang Abril 22, 2026.
Nakasaad sa travel authority na pinahihintulutan ng Malakanyang na bumiyahe siya (VP Sara) sa mga bansang Netherlands, Republic of Korea, Belgium, Germany at the United Kingdom of Great Britain at Northern Ireland sa Abril 23 hanggang Mayo 16, 2026, habang naka-leave of absence at walang gastos sa gobyerno.
“Thank you for the last -minute issuance of the travel authority. I regret to inform you that the plans have since changed dut to uncertainty as to whether i will be permitted to deport,” ang sinabi ni VP Sara sa isang kaatas na may petsang Abril 23, 2026.
Nagbigay suhestyon rin ang Bise Presidente sa Office of the President na kung papayagan nito ang kanyang mga susunod na hirit na travel authority ay dapat mabigyan siya ng sapat na oras para makapagprepara at hindi ilang oras lang bago ang nakatakda niyang pag-alis sana.
“Please ensure that the necessary documents be processed and issued promptly, allowing sufficient time for travel preparations rather that only a few hours before the intended departure,” ang winika pa rin ni VP Sara.
Iginiit din ng Pangalawang Pangulo ang tamang paghawak sa ‘confidentiality’ ng mga sensitibong dokumento para sa seguridad.
“Additionally, ensuring the confidentiality and proper handling of sensitive documents would greatly contribute to maintaining effective security arrangements,” aniya pa rin.
Nauna rito, nakasaad sa inaprubahang travel authority ni Recto na “In view of the representations made with this Office, and pursuant to Memorandum Circular No.35, s. 2017, you are hereby authorized to tavel to the Netherlands, Republic of Korea, Belgium, Germany and the United Kingdom of Great Britain at Northern Ireland on 23 April-15 May 2026, while on leave of absence, at no cost to the government.” Kris Jose
