EA, tinulugan ni Shaira, nabitin!

Manila, Philippines- Viral ang guesting ng newly-wed couple na sina EA Guzman at Shaira Diaz sa isang morning talk show ng Kapuso network.

Nausisa ng TV journalist na si Arnold Clavio si EA tungkol sa unang gabi ng honeymoon nilang mag-asawa pagkatapos nilang ikasal.

Tanong ni Arnold: “’Yung pangako ba niya noon sa dambana noong kinasal kayo na magiging masaya ka na, kamusta ka naman?”

Natatawa namang sumagot si EA ng : “Ako, magiging honest ako ah, pero grabe ang ngiti ko talaga. Pero ‘yung first night, tinulugan ako.”

Gayunpaman, kahit daw walang nangyari ay nauunawaan niya si Shaira.

“Pero naintindihan ko naman kasi ang aga niya nagising so naiintindihan ko,” dugtong niya.

Umani naman ng samu’t-saring reaksyon ang nasabing video nang maibahagi sa isang portal.

Ayon sa kibitzers, nabitin daw ang aktor sa pulotgata nila ng misis.

May mga nagmamaldita pang ala Kristel Fulgar daw ang dramarama ni Shaira.

Ito ang ilan sa kanilang mga komento.

“Hahaha. Nabitin si manoy.”

“Pang Kristel Fulgar lang ang drama.”

“Full tank na nga si EA natengga pa.”

“Hindi biro iyong 12 years niyang paghihintay, tapos tutulugan pa siya. Hahaha.”

“Pagoda lang daw kasi si misis.”

“Naku, pag ganyan. Kapag pinipigil, lalong nangggigigil.”’

“Naudlot ang bembangan.” Archie Liao