Electrician nakuryente, patay!

PANGASINAN- Patay ang isang 42-anyos na electrician matapos makuryente sa Brgy. Sta. Lucia, Urdaneta City ng lalawigang ito kahapon, Nobyembre 4.

Ayon sa pulisya, ang biktima ay residente ng Bonuan Gueset, Dagupan City, Pangasinan.

Nagtratrabaho ang biktima sa isang ginagawang gasolinahan sa nabanggit na lugar nang mahawakan nito ang steel ladder na nakadikit  sa isang wire.

Dahil dito, nakuryente ang biktima at nagtamo ng sugat sa iba’t ibang parte ng katawan.

Agad na dinala sa Urdaneta District Hospital ang biktima.

Gayunman, ang biktima ay idineklarang dead-on-arrival ng umatending doktor. Rolando S. Gamoso