MANILA, Philippines – Ipinag-utos ng Senate impeachment court nitong Miyerkules, Setyembre 2 ang pagtestigo ng Commission on Audit (COA) employee na si Bresilio Sabaldan at dalawa iba pa sa impeachment trial ni Vice President Sara Duterte mula Setyembre 7 hanggang 9.
Sa kautusan, sinabi ni Senate impeachment court presiding officer Francis Escudero na pinagbigyan ng korte ang hiling na subpoena ni lead prosecutor Gerville Luistro ng Batangas.
Sakop din ng subpoena sina dating Department of Education (DepEd) Assistant Secretary Sunshine Cherry Fajarda at Police Major Jovelyn Magay.
Ani Luistro, layon ng prosekusyon na ipresenta si Sabaldan, Fajarda at Magay bilang mga witness sa susunod na linggo, kasama ang asawa ni Fajarda na si dating DepEd special disbursing officer Eduard Fajarda, at Philippine Statistics Authority (PSA) official Marizza Grande.
Sina Magay at Sabaldan ay kabilang sa reserve witnesses na tinukoy ng proseskusyon sa pretrial brief nito.
Sa kabila nito, sinabi ni Luistro na ang prosekusyon ay maaaring magdesisyon kung ipipresenta o hindi si Eduard Fajarda bilang witness kung papayag ang depensa sa ilang stipulations kaugnay sa gampanin nito sa disbursement ng confidential funds ng DepEd.
Ayon kay Escudero, ang prosekusyon ay dapat na magpasa ng proposed stipulations in writing para masuri ng defense team.
Kasalukuyang ipinipresenta ng prosekusyon ang ebidensya nito sa Article 1 ng impeachment complaint, na umaakusa kay Duterte sa paggawa ng impeachable offense sa pamamagitan ng misuse, misappropriation at irregular liquidation ng P612.5 milyong confidential funds ng Office of the Vice President (OVP) at DepEd nang kalihim pa ito ng ahensya. RNT/JGC
