MANILA, Philippines – Hindi na boboto si Senate impeachment court presiding officer Francis Escudero sa Setyembre 23, kung saan pagdedesisyunan ng senator-judges kung ipapanatili ang 16-vote threshold para panagutin si Vice President Sara Duterte sa kanyang impeachment trial, ayon kay court spokesperson Regie Tongol nitong Biyernes, Setyembre 11.
Ani Tongol, nanindigan na si Escudero sa kanyang ruling nang magsimula ang impeachment trial noong Hulyo 6 kung saan
“‘Yung kanyang ruling po, ‘yun na po ‘yung kanyang parang boto. At dahil ‘yung kanyang ruling ‘yung inaapela para i-kunsidera, of course, hindi niya na pwedeng i-withdraw ‘yun,” paliwanag ni Tongol.
“Nakataga na ‘yun sa bato, ‘yung sa kanya. Kaya hindi na kinakailangan ‘yung kanyang boto on the floor,” dagdag pa.
Kung mayroong 20 senator-judges ang present sa Setyembre 23 kabilang si Escudero, sinabi ng impeachment court spokesperson na magkakaroon lamang ng 19 na boto.
Dahil dito, kailangan lamang ng 10 affirmative votes para mabaliktad ang ruling.
“Majority of the quorum present po ang makakaboto po eh. Parang ordinary action lamang po ito ng Senado,” ani Tongol.
Kasalukuyang naka-detain sina Senador Jinggoy Estrada at Rodante Marcoleta dahil sa magkahiwalay na reklamong plunder, habang si Senador Ronald “Bato” Dela Rosa naman ay nagtatago dahil may arrest warrant mula sa International Criminal Court.
Si Senator Loren Legarda ay matagal na ring hindi dumadalo dahil nasa abroad para sa kanyang extended medical leave.
Sa kabila nito, ipinunto ni Tongol na mayroon pa ring posibilidad na ang bilang ng senator-judges na present sa araw ng botohan ay mas mataas kaysa sa inaasahang 20.
Kung magkaroon ng stalemate o equal votes na magmula sa mga senator-judge, nangangahulugan ito na ang mosyon patungkol sa voting threshold ay “failed.”
“So the ruling of the presiding officer will stand. Kasi po ang motion po is to appeal the ruling. So, kapag matalo po ‘yung boto on the floor, the ruling will stand. It is as if it is not changed and appealed.” RNT/JGC
