Home METRO Estudyante pinasok sa selda sa P1.1M droga

Estudyante pinasok sa selda sa P1.1M droga

KORONADAL CITY – Dahil sa isang tip, inaresto ng mga operatiba ng pulisya sa General Santos City ang isang 20-anyos na estudyante mula sa Maguindanao del Norte noong Biyernes ng gabi at nakuha sa kanya ang hinihinalang shabu na tinatayang nasa P1 milyon ang street value.

Sinabi ni Brig. Gen. Jimili Macaraeg, police director para sa rehiyon ng Soccsksargen, sinabi ng mga operatiba ng Police Station 6 at ng City Drug Enforcement Unit na nagsagawa ng masusing planong anti-illegal drug entrapment operation na humantong sa pagkakaaresto sa suspek at pagkakakumpiska ng 155 gramo ng hinihinalang shabu at iba pang gamit.

Kinilala lamang ng pulisya ang suspek na si “Emran,” isang 20-anyos na estudyante at tricycle driver mula sa Datu Odin Sinsuat, Maguindanao del Norte.

Sinabi ni Macaraeg na kasalukuyang nasa kustodiya ng Police Station 6 ang suspek habang naghihintay ng karagdagang legal na paglilitis. RNT

Previous article5 bumabatak timbog ng mga parak
Next articleQuiboloy walang impormasyon sa mga kailangan ng Kamara – abogado