MANILA, Philippines – Arestado isang 19 anyos na estudyante na wanted sa kaso ng statutory rape at sexual assault ang nadakip ng pulisya sa ikinasang manhunt operation sa Valenzuela City.
Sa ulat, iniutos ni Northern Police District (NPD) District Director P/BGen. Josefino Ligan ang pagtugis sa 19-anyos na lalaking estudyante na kabilang sa mga Most Wanted Person sa lungsod dahil sa multiple heinous crimes.
Katuwang ang District Mobile Force Battalion-Intelligence Section, sa Regional Intelligence Unit – NCR, ikinasa ng mga tauhan ni Gen. Ligan ang joint manhunt operation na nagresulta sa pagkakaaresto sa akusado dakong ala-1:10 ng hapon sa Barangay Paso De Blas.
Ang akusado ay inaresto sa bisa ng warrant of arrest na inisyu ng Valenzuela City Family Court Branch 16, para sa kasong 3 counts of Statutory Rape, 2 counts of Rape by Sexual Assault, na may inirekomendang piyansa bawat isa na P200,000 at paglabag sa Section 4(a) of RA 9995 (Anti-Photo and Video Voyeurism Act of 2009), na may piyansa na P42,000.
Pansamantalang nakapiit ang akusado sa Custodial Facility Unit ng (NPD-CFU) habang hinihintay ang pagpapalabas ng commitment order mula sa korte. Merly Iral/Rene Manahan
