MANILA, Philippines – Ipinag-utos ng Office of the Ombudsman ang pagsasampa ng kasong graft at falsification laban kay dating Education Secretary Leonor Briones at iba pang kaugnay sa P2.4 billion na halaga ng mga outdated na laptop na binilli sa public school teachers noong 2021.
Sa 106-l pahinang resolusyon, iniutos din na makasuhan ng kaparehong kaso si Department of Budget and Management (PS-DBM) chief Lloyd Christopher Lao, private respondent, Froilan Domingo, DepEd Undersecretary Annalyn Macam Sevilla, DepEd Undersecretary Alain Del Bustamante Pascua, DepEd Assistant Secretary Salvador Cacatian Malana III, DepEd Director IV Abram Yap Chai Abanil, DepEd Director IV Marcelo Bragado, DepEd Undersecretary Alec Serquina Ladanga, DepEd Supervising Administrative Officer Selwyn Carillo Briones, PS-DBM Director IV and officer-in-charge Jasonmer Lagarto Uayan, PS-DBM Procurement Management Officer IV Ulysses Evangelista Mora, PS-DBM Procurement Management Officer I Marwan Amil at PS-DBM Procurement Management Officer V Paul Armand Abando Estrada.
Dagdag na kaso na perjury ang iniutos ng Ombudsman laban kina Lao, Secilla at Uayan habang ibinasura ang perjury case laban kina Pascua at Malana.
Sinabi naman ni Briones na kumukunsulta na siya sa abugado hinggil sa kaso. TERESA TAVARES
