MANILA, Philippines- Nag-post na ng “explainer” ang House of Representatives sa kanilang Facebook page ukol sa Articles of Impeachment na kinahaharap ni Vice President Sara Duterte.
Ang video explainer na ini-upload nitong umaga ay may habang siyam na minuto.
Ipinaliwanag ni Impeachment Prosecutor at Ako Bicol Rep. Raul Angelo Bongalon na ang nasabing video ay makatutulong sa publiko na maunawaan ang inihaing impeachment.
“The Filipino people has the right to be informed of this impeachment proceeding at mas maganda na mai-translate ito doon sa mga lengwahe or dialekto na mas lalong maiintindihan ng ating mga kababayan,” ani Bongalon.
“It’s one way for us probably also explaining to the people on why we have signed that impeachment complaint. And medyo may mga technicalities kasi… So, may mga technical matters doon na kailangan malaman din po ng taumbayan in a plain and simple language,” dagdag pa nito.
Wala pa namang komento ang kampo ni VP Sara ukol sa nasabing video. Gail Mendoza
