Fetus nadiskubre sa banyo sa NAIA

MANILA, Philippines – Isang fetus ang natagpuan sa loob ng banyo sa Ninoy Aquino International Airport Terminal 1 sa Pasay City.

Lumabas sa inisyal na imbestigasyon na natagpuan ng isang cleaning staff ang fetus na nakabalot ng tissue paper sa loob ng isa sa mga cubicle.

Agad na rumesponde ang medical team ng Manila International Airport Authority sa natuklasan.

Kinumpirma ng mga awtoridad na ito ay isang buwang gulang na fetus.

Pinaghahanap na ngayon ng pulisya ang taong nag-iwan ng fetus. RNT