MANILA, Philippines – Nanawagan si House of Representatives Assistant Minority Leader, Gabriela Women’s Party-list Rep. Arlene Brosas, nitong Sabado, Nobyembre 2 na palakasin ang financial intelligence monitoring laban sa online sexual exploitation of children (OSEC) matapos ang paghatol sa isang French animator na ipinag-utos ang pag-live stream ng panggagahasa sa mga dalagita.
“The conviction of French animator Bouhalem Bouchiba for ordering the rape of Filipino children through live-streaming platforms is deeply disturbing and highlights the urgent need to strengthen our financial monitoring systems against OSEC,” sinabi ni Brosas sa isang kalatas.
Nitong Huwebes, Oktubre 31, nakita ng korte sa Paris si Bouchiba na guilty of complicity sa panggagahasa ng daan-daang babae at human trafficking, at child pornography online.
Sinentensyahan ito ng 25 taong pagkabilanggo.
Si Bouchiba ay sumikat sa mga likha nito sa Pixar at Disney animation studios, kabilang ang 2004 hit na “The Incredibles,” at “Ratatouille” noong 2007.
Hinatulan ito sa pagbabayad ng mga babaeng Filipino mula 2012 hanggang 2021 para gahasain ang mga babae edad lima hanggang 10 sa harap ng video recorder na pinapanood ni Bouchiba sa pamamagitan ng livestream.
Nagbibigay din umano ito ng utos kung ano ang gagawin habang nanonood ng online show.
Ani Brosas, hindi katanggap-tanggap na naisasagawa ng suspek na ito ang karumal-dumal na krimen sa loob ng halos isang dekada sa pamamagitan ng money transfers.
Para maiwasan ang mga ganitong pangyayari, ipinag-utos ni Brosas sa Anti-Money Laundering Council (AMLC) na ilipat nito ang mga resources sa pag-track ng mga kahina-hinalang financial transactions na may kaugnayan sa OSEC, sa halip na targetin ang mga lehitimong activist organizations.
Dapat umanong tutukan ng AMLC ang pagtukoy sa money trails na may kaugnayan sa OSEC syndicates na nambibiktima ng mga bata.
“We demand justice for all Filipino children victimized by foreign predators who take advantage of poverty in our country. We must strengthen our laws against OSEC and ensure proper implementation of Republic Act 11930 or the Anti-Online Sexual Abuse and Exploitation of Children Law,” dagdag pa niya. RNT/JGC
