First batch ng MMFF 2024, inihayag na!

Manila, Philippines – Comedy. Action. Drama. Suspense. Horror.

Ito ang mga genre ng unang limang kalahok sa ika-50 taon ng Metro Manila Film Festival sa darating na December.

Script ang pinagbasehan sa pagkakapili ng mga entries.

Idinaos ang announcement sa Bulwagang Antonio Villegas sa Manila City Hall.

Ang limang nakapasa ay kinabibilangan ng mga sumusunod:

And The Breadwinner Is starring Vice Ganda, Eugene Domingo, Gina Pareño, Jhong Hilario, etc. mula sa direksyon ni Jun Robles Lana.

Prodyus ito ng Star Cinema at IdeaFirst nina Perci Intalan at Jun.

Family drama naman ang The Kingdom tampok sina Vic Sotto, Piolo Pascual, etc.

Suspense drama naman ang Green Bones nina Sophia Pablo at Dennis Trillo.

Horror naman ang Strange Frequencies: Haunted Hospital starring Jane de Leon, Enrique Gil at iba pa.

Halaw naman sa award-winning classic film noong 1982 ang Himala: Ang Musical nina Aicelle Santos at Bituin Escalante.

Ang 50th MMFF ay may temang Sine-Sigla sa Singkuwenta.

Ilan lang sina Pepe Diokno, Zig Dulay at Jun Lana na lumahok noong isang taon na may kanya-kanya ring entries sa golden year ng naturang festival.

Abangan ang iba pang mga kalahok sa pagtatapos ng Oktubre. Ronnie Carrasco III