MANILA, Philippines – NILINAW ng Department of Agriculture (DA), araw ng Biyernes na ang “insoluble and floating” fertilizer na nakita sa isang viral video mula sa Ilocos Norte ay resulta ng maling aplikasyon at hindi dahil sa ‘poor product quality.’
Ang klaripikasyon ay kasunod ng balidasyon at monitoring activity na isinagawa ng DA Regional Field Office–Ilocos mula Dec. 21 hanggang 22 para imbestigahan ang mga concern o alalahanin na nabanggit sa online ukol sa kalidad ng government-distributed fertilizers.
Sa isang kalatas, ipinabatid ng DA ang alalahanin ukol sa integridad ng government-procured inputs.
Base sa imbestigasyon, ang fertilizer, dinisenyo para sa basal application, ay in-apply bilang side-dress.
“This improper method—combined with windy conditions—caused the granules to remain on the soil surface and be displaced, creating the impression that the fertilizer was insoluble or defective,” ayon sa DA.
Kinilala ang fertilizer bilang DANAT Complete Fertilizer (14-14-14), na nakuha sa pamamagitan ng local government unit.
Ang mga magsasakang kabilang ay kagyat na binrief (brief) sa tamang application process para mapigilan ang kahalintulad na insidente.
Kasunod nito ay nagpasalamat ang mga magsasaka sa ahensiya para sa agarang pagtugon at pagtulong at maging sa pag-post sa vlog na nagpapaliwanag ng tamang paggamit ng DANAT Complete Fertilizer.
Samantala, muling inulit ng DA–Ilocos Region na ang lahat ng naipamahaging fertilizers ay sumailalim sa quality testing, re-testing, at mahigpit na quality control procedures sa DA laboratories and Fertilizer and Pesticide Authority-accredited facilities. Kris Jose
