MANILA, Philippines- Iginiit ni Pasig City congressional candidate Atty. Christian Sia nitong Miyerkules na hindi labag sa karapatan o hindi diskriminasyon sa mga kababaihan ang kanyang pahayag ukol sa mga single mother.
Bilang tugon sa show cause order (SCO) na inisyu ng Commission on Elections (Comelec), nanindigan si Sia na ang kanyang mga pahayag “were not made to discriminate, exclude, restrict, demean or harass female solo parents.”
“While the words may sound brash, my speech, in its entirety, fall within my freedom of speech,” giit ni Sia.
Nagpalabas ang Comelec ng SCO laban kay Sia matapos niyang sabihin sa isang campaign sortie na ang single mothers na mayroon pang buwanang dalaw at nalulungkot ay maaaring makipagsiping sa kanya isang beses kada taon.
Pinagpapaliwanag ng poll body si Sia kung bakit hindi siya dapat sampahan ng election offense o disqualification dahil sa paglabag sa Comelec Resolution No. 1116, na nagtatakda ng anti-discrimination at fair campaigning guidelines para sa 2025 national and local elections (NLE).
“Resolution No. 11116 suffers from constitutional infirmity. Resolution No. 11116 was promulgated pursuant to Section 13 of Republic Act No. 9006. However, Section 13 of Republic Act No. 9006 provides that rules and regulations issued pursuant thereto must be for the implementation of said law, which is in relation to equal time and opportunity in relation to the posting of election propaganda,” depensa ng Pasig bet.
“Even assuming without conceding that Resolution No. 11116 is valid, I did not violate the same when I uttered the statements on or about 03 April 2025.”
Bukod sa Comelec, si Sia ay mayroon ding SCO mula sa Supreme Court hinggil sa kanyang pahayag tungkol sa single moms. Mayroon din siyang ikalawang SCO mula sa Comelec para sa isa pa niyang komento ukol sa sarili niyang staff. RNT/SA
