MANILA, Philippines – SANIB-PUWERSA ang Department of Energy (DoE), Philippine National Police (PNP) at Department of Interior and Local Government (DILG) laban sa mga pasaway na indibiduwal o mga hoarder ng petroleum products na sinasamantala ang kasalukuyang alalahanin sa suplay dahil sa matinding tensyon sa Gitnang Silangan.
Sa katunayan, sinabi ng DoE na na nagpapatuloy ang imbestigasyon kaugnay sa di umano’y nagho-hoard ng petroleum para protektahan ang publiko laban sa mga pasaway na indibiduwal na ito.
Ayon sa DOE, nakatanggap ito ng report mula sa field offices nito sa Luzon at Mindanao ukol sa iregularidad sa fuel supply at retail prices.
“Individuals proven to have violated Republic Act 7581, or the Price Act, face fines, imprisonment and product forfeiture,” ayon sa departamento.
“We will not tolerate any attempt to take advantage of the current situation at the expense of Filipino consumers,” ang sinabi ni Energy Secretary Sharon Garin.
Sa ilalim ng direktiba ni Pangulong Ferdinand R. Marcos Jr., sinabi ni Garin na isinusulong ng pamahalaan ang whole-of-government approach “to protect the public and maintain orderly fuel supply and distribution.”
Samantala, hinikayat naman ng DOE ang publiko na ireprt ang mga illegal activities na nagpapahina sa domestic power supply. (Kris Jose)
