Itinakda ng Mynt, Inc. (“Mynt”), ang parent company ng grupong nasa likod ng GCash, ang number one finance super app sa Pilipinas, ang final offer price para sa iminumungkahi nitong initial public offering (IPO) sa Philippine Stock Exchange (PSE) sa halagang ₱6.60 kada share, matapos ang masusing bookbuilding process.
Sa final offer price na ito, ang pagbebenta ng 8,027,409,600 common shares (Firm Shares) ay kumakatawan sa kabuuang halaga na humigit-kumulang ₱53.0 bilyon. Kung sakaling ganap na ma-exercise ang overallotment option na hanggang 1,204,111,400 secondary common shares, aabot sa humigit-kumulang ₱60.9 bilyon ang malilikom — na siyang magiging pinakamalaking IPO sa kasaysayan ng Pilipinas.
Nagkaroon ng malakas na partisipasyon mula sa malalaking global at local institutional investors ang bookbuilding process. Ilang beses na na-oversubscribe ang bookbuild, na may makabuluhang demand bukod pa sa cornerstone commitments. Inaasahang ang final allocation ay ibabatay sa laki at kalidad ng demand, kasama ang layuning makabuo ng diversified at de-kalidad na shareholder base mula sa global at local institutions, pati na rin ang matatag na retail shareholder base na sumasalamin sa malakas na brand recognition ng GCash sa publiko.
“The depth and quality of demand we have seen through this process reflects investor confidence in Mynt’s growth story. We have sought to maintain meaningful access for Filipino investors as we transition to a public company. We believe the final price and allocation provide a strong foundation for Mynt’s next chapter and for creating long-term value for all our shareholders, while continuing to advance our mission of Finance for All,” pahayag ni Evelyn Ng, Chief Finance Officer ng Mynt.
Alinsunod sa pagkuha ng Permit to Sell mula sa Philippine Securities and Exchange Commission (SEC) at sa iba pang karaniwang kondisyon, inaasahang magsisimula ang Trading Participants at Retail Offer sa Oktubre 6, 2026 at magtatapos sa Oktubre 12, 2026. Inaasahang ililista ang Offer Shares sa Main Board ng PSE sa ilalim ng ticker na “GCASH” sa Oktubre 20, 2026.
Mananatiling nakadepende ang timetable sa mga pag-apruba ng SEC at PSE, sa kondisyon ng merkado, at iba pang karaniwang konsiderasyon.
Ang Morgan Stanley & Co. International plc, J.P. Morgan Securities plc at UBS AG Singapore Branch ang nagsisilbing Joint Global Coordinators at Joint Bookrunners para sa transaksyon. Ang Jefferies Singapore Limited, CLSA Limited at The Hongkong and Shanghai Banking Corporation Limited, Singapore Branch ang International Joint Bookrunners, habang ang BPI Capital Corporation at BDO Capital & Investment Corporation ang Domestic Lead Underwriters at Joint Bookrunners. Ang AB Capital & Investment Corporation at First Metro Investment Corporation ang Domestic Lead Underwriters, habang ang Maybank Securities Pte. Ltd. ang International Co-Manager. Magsisilbi namang Domestic Participating Underwriters ang China Bank Capital Corporation, RCBC Capital Corporation, at East West Banking Corporation.
Ilalabas ang iba pang anunsyo sa takdang panahon alinsunod sa mga naaangkop na regulasyon
