MANILA, Philippines – Pinagpapaliwanag ng Ombudsman si Cebu Governor Gwendolyn Garcia dahil sanumano’y patuloy na pagsuway sa ipinataw na preventive suspension order laban sa kanya.
Sa inilabas na show cause, inatasan ni Ombudsman Samuel Martires si Garcia na magpaliwanag kung bakit hindi siya dapat parawan ng indirect contempt dahil sa hindi pagsunod sa kautusan ng Ombudsman.
“Records show that you received a copy of the Order on 29 April 2025 and despite the implementation thereof by this Office and its immediately executory nature, you have publicly avowed not to abide by the Order on preventive suspension,” ani Martires.
Naglabas din ang Ombudsman ng show cause order laban kay DILG Undersecretary Rolando Puno matapos nito sabihin umano sa isang press briefing na hindi aaksyunan ng DILG ang preventive suspension labam kay Garcia.
Kailangan aniyang magpaliwanag si Puno kung bakit hindi ito dapat patawan ng indirect contempt dahil sa pagkunsinte umano sa respondent na si Garcia.
Depensa ni Puno, hinihintay pa nila ang tugon ng Commission on Elections dahil kailangan ang pag-apruba nito sa suspension bunsod ng campaign period.
Gayunman iginiit ni Martirez na immediately executory ang kautusan ng Ombudsman.
Binigyan lamang ng Ombudsman sina Garcia at Puno ng limang araw para sagutin ang show cause order. (Teresa Tavares)
