MANILA, Philippines – SINUSPINDE ng Malakanyang ang trabaho sa mga tanggapan sa gobyerno at sa lahat ng antas sa pampubliko at pribadpng eskuwelahan sa National Capital Region at 16 lalawigan, simula ala-1 ng tanghali, ngayong araw ng Biyernes, Agosto 28, 2026, dulot ng inaasahang mas pinalakas ng Southwest Monsoon ng Low-Pressure Area na pumasok sa Philippine Area of Responsibility (PAR).
Sa ilalim ng Memorandum Circular No. 132, inilabas ni Executive Secretary Ralph G. Recto, sa pahintulot ni Pangulong Ferdinand Marcos Jr., sa rekumendasyon ng National Disaster Risk Reduction and Management Council (NDRRMC), saklaw ng suspensyon ang mga sumusunod na lugar:
NCR
Abra
Benguet
Ilocos Sur
La Union
Pangasinan
Bataan
Bulacan
Nueva Ecija
Pampanga
Tarlac
Zambales
Batangas
Cavite
Rizal
Oriental Mindoro
Occidental Mindoro
Ang mga ahensiya ng gobyerno na nagbibigay ng pangunahing at serbisyong pangkalusugan, disaster preparedness at pagtugon, at iba pang mahalagang serbisyo ay magpapatuloy ang operayson.
Maaari namang suspendihin ng local chief executives ang klase at/o trabaho sa mga tanggapan ng gobyerno sa kani-kanilang lugar.
Sa pribadong sektor, ang suspensyon ng trabaho o adopsyon ng alternative work arrangements ay ipinauubaya na sa nangangasiwa nito. KRIS JOSE
