Greenwashing, false solutions legasiya ng ADB sa 20th ACEF – CSOs

Maynila, June 3, 2025 – Binatikos ng NGO Forum on ADB ang mga kaalyadong civil society group ang Asian Development Bank (ADB) habang ipinagdiriwang nito ang ika-20 anibersaryo ng Asia Clean Energy Forum (ACEF).

Ayon sa mga grupo, sa halip na magtaguyod ng tunay na malinis at makataong enerhiya, dalawang dekada na itong nagtatago sa likod ng “greenwashing” at mga false climate solutions.

Ayon kay Rayyan Hassan, Executive Director ng NGO Forum on ADB, hindi tunay na tinatalikuran ng bangko ang mapanirang mga proyekto sa enerhiya. “In an unstable world, a multilateral development bank like the ADB has a responsibility to offer solutions rooted in partnership and sustainability — especially in the energy sector,” aniya.

Pero imbes na paunlarin ang makatarungan at tunay na renewable energy sa Asya, patuloy pa rin umano ang ADB sa pagsuporta sa fossil gas, malalaking hydroelectric projects, incinerators, at ilang geothermal plants na may negatibong epekto sa mga komunidad at kalikasan.

Binigyang-diin ni Hassan ang panganib ng pagsuporta ng ADB sa pagmimina ng critical minerals at paggamit ng nuclear power. “Both have proven unpredictable and come with grave consequences. The bank should not gamble with people’s lives and the environment in pursuit of profit,” aniya. “We hope reason prevails in this ACEF.”

ACEF: Plataporma para sa Polluters at False Solutions 

Para sa NGO Forum at mga kaalyado nito, naging plataporma na ang ACEF para sa mga korporasyon at bansang responsable sa polusyon — hindi para sa totoong solusyon sa climate crisis. Sa likod ng mga terminong tulad ng “energy transition” at “low-carbon innovation,” binibigyang-lakas lang daw nito ang mga fossil fuel company.

Partikular na binanggit ang Korean Energy Agency, co-host ng ACEF ngayong taon, at ang Korea Electric Power Corporation (KEPCO) — na may isa sa pinakamalalaking coal plant operations sa buong mundo. Isa sa mga kontrobersyal nitong proyekto ay ang Naga coal plant sa Pilipinas na pinondohan ng ADB.

“This only proves that ADB has no credibility in the clean energy agenda,” ani Ellenor Bartolome ng Philippine Movement for Climate Justice. “The presence of big climate polluters like KEPCO exposes how just transition is syndicated by the very actors driving the crisis… ACEF cannot absolve ADB and KEPCO’s history of harm in the Philippines, where justice remains denied.”

Dagdag pa ni Bartolome: “This business-as-usual must end. In a period of climate emergency, we are racing against time. We must reject these detours, distractions, and dangers — and demand a real, just transition for the people and the planet.”

ETM, Climate-Smart Mining, at Karapatang Pantao

Isa rin sa matinding pinuna ng civil society ang Energy Transition Mechanism (ETM) ng ADB, na anila’y “bailout” lang ng mga coal companies gamit ang pondo ng publiko, imbes na pagsasarado ng maruruming planta.

Kinuwestiyon din ang partisipasyon ng Standard Chartered at OceanaGold sa ACEF, dalawang kumpanyang may kasaysayan ng paglabag sa karapatang pantao at pagkasira ng kalikasan — kabilang ang sapilitang pagpapalayas sa mga komunidad at pang-aabuso sa mga katutubo sa Pilipinas.

Ayon kay Maya Quirino ng Legal Rights and Natural Resources Center, ang konsepto ng “climate-smart mining” ay mapanlinlang. “Mining comes with a hefty environmental and social price tag,” aniya, kasabay ng pagtutol sa pagtaguyod ng ADB sa tinatawag nitong ‘transition mining’.

“It would be the supreme irony if, in trying to address the climate crisis, the world escalates mining — an industry long linked to environmental degradation and human rights violations,” dagdag niya.

Panawagan para sa Tunay na Reporma

Nananawagan ang NGO Forum on ADB at mga kaalyadong CSOs ng tapat at makataong reporma sa energy policy ng ADB. Giit nila, ang kasalukuyang pagsusuri ay dapat magsilbing patunay ng seryosong pagkalas ng bangko sa fossil fuels tungo sa hustisyang pangklima.

Hiniling nila na maging bukas at demokratiko ang proseso, na may tunay na partisipasyon ng mga apektadong komunidad — hindi pabor lamang sa korporasyon. Tinuligsa rin nila ang mga false climate solution gaya ng mega-geothermal, incinerators, CCS, at nuclear energy — teknolohiyang mapanganib at hindi subok.

Dagdag pa nila, hindi dapat gawing lisensya ng ADB ang energy transition para isulong ang mapanirang pagmimina at patuloy na paglabag sa karapatan ng mga komunidad sa Global South, kabilang ang Pilipinas. RNT