MANILA, Philippines – Kahit may 43 flood control projects na nagkakahalaga ng P3.05 bilyon sa Hagonoy, Bulacan, nananatiling binabaha ang Hagonoy Public Cemetery.
Nililinis na ng pamahalaang bayan ang mga sagabal sa ilog, ngunit dulot ng mataas na tide, nananatili pa rin ang pagbaha.
Ipinasa ni Mayor Rosario Sy-Alvarado Mendoza ang sala sa hindi natapos na proyekto at kakulangan ng konsultasyon sa DPWH.
“Instead of simpleng revetment lamang, ginawa na po nilang road dike ito – mas matibay, mas malapad,” ani Mendoza.
“Kung meron lang cluster na inuna, natapos, mayroon na sanang nasasalba ngayon na barangay na hindi na po binabaha.” RNT
