Higit 50 Chinese ships, fishing boats namataan sa WPS

MANILA, Philippines- Mahigit 50 Chinese ships at fishing boats ang naobserbahan sa West Philippine Sea, ayon sa Armed Forces of the Philippines (AFP) nitong Martes.

Hanggang alas-4 ng hapon nitong Lunes, mayroong pitong China Coast Guard (CCG) vessels at 47 Chinese maritime militia (CMM) at small fishing boats sa kanlurang bahagi ng exclusive economic zone ng bansa, ayon kay AFP spokesperson Col. Francel Margareth Padilla.

Narito ang West Philippine Sea maritime features kung saan namataan ang Chinese vessels:

• Panatag (Scarborough) Shoal: 5 CCG vessels, 18 CMM at 10 Chinese small boats

• Ayungin Shoal: 1 CCG boat at 6 small boats

• Pagasa Island: 1 CCG boat at 6 fishing boats

Hinggil sa iba pa, sinabi ni Padilla, “there are no significant sightings in the West Philippine Sea’s other features.”

Ilan pa sa maritime features sa West Philippine Sea ang Parola Island, Likas Island, Lawak Island, Rizal Reef and Kota Island, at Sabina Shoal.

Batay ang presensya ng China sa apag-angkin nito sa kabuuan ng South China Sea, na saklaw ang malaking bahagi ng West Philippine Sea, ang claim na ibinasura ng 2016 international ruling. RNT/SA