MANILA, Philippines- Inanunsyo ng Quezon City Police District (QCPD) nitong Huwebes ang pagkakaaresto ng isang 24-anyos na lalaki sa isang buy-bust operation na nagresulta sa pagkakasamsam ng P1,360,000 halaga ng shabu noong Martes.
Nadakip ng mga miyembro ng Talipapa Police Station (PS 3) at Drug Enforcement Group Special Operation Unit 4A (DEU-SOU 4A) ang suspek na kinilalang si Elijah Andrew Pe Benito sa isang entrapment operation dakong alas-3:30 hapon sa Epifanio De Los Santos Avenue (EDSA) Balintawak, Barangay Apolonio Samson, Quezon City.
Bumili ang isang pulis na nagpanggap na buyer ng P1,000 halaga ng shabu mula sa suspek.
Nakumpiska ng mga awtoridad mula sa suspek ang 200 gramo ng shabu na nagkakahalaga ng P1,360,000, puting bag, cellular phone, itim na sling bag, berde at itim na wallet, berdeng pocket knife, dalawang identification cards, ATM card, dalawang lighter, motorsiklo, at ang buy-bust.
Mahaharap si Benito sa kasong paglabag sa Republic Act 9165 o ang Dangerous Drugs Act of 2002, ayon sa mga pulis. RNT/SA
