MANILA, Philippines – Iginiit ni House Majority Leader Sandro Marcos na walang magiging pagbabago sa mga chairmanship ng komite sa Kamara matapos mahalal si Isabela Rep. Faustino “Bojie” Dy III bilang bagong Speaker, dahil nakatutok ang Kongreso sa pagtalakay ng ₱6.7 trilyong 2026 national budget.
“We need to pass the most important law in our country, which is the national budget. So I don’t think there will be any changes for now… because it is too disruptive,” ani Marcos, at idinagdag na magsisimula ang plenary debates sa Lunes na maaaring umabot hanggang madaling-araw.
Paliwanag niya, walang gaganaping committee hearings habang nasa plenaryo ang talakayan, kaya hindi kailangan ng pagbabago sa liderato.
Dagdag pa ni Marcos, mananatili ang mga reporma sa budget process na sinimulan sa ilalim ni dating Speaker Martin Romualdez, kabilang ang pagpapasok sa mga budget watchdog sa deliberasyon. RNT
