SA Lungsod ng Maynila napili ng pamunuan ng Honor Philippines na buksan ang kanilang ika-200 Experience Store kasabay ng pagpapakilala sa publiko ng kanilangdalawang uri ng karagdagang produkto na bagong brand ng lap tops nitong Sabado ng hapon.
Ayon kay Honor Philippines Public Relations Manager Pao Oga na ang pagbubukas nila ng pang-200 store sa buong bansa ay patunay lamang na may tiwala sa kanilang mga produkto ang mga Filipino.
Ayon pa kay Oga, ang dalawa nilang Honor Magic Book na X-40 at Magic Book X-60 na kukumpleto sa una nilang mga produktong smart phones at tablets, ay may matinding kakayahan na idinisenyo para sa kahusayan na susuporta sa pangangailangan ng mga estudyante, professionals at maging sa mga content creators dahil kargado na ng AI technology ang kanilang Magic Book X-60.
