UKRAINE – Sinabi ni Ukrainian President Volodymyr Zelensky nitong Biyernes na daan-daang Chinese nationals ang nakikipaglaban sa Ukraine frontline para sa Russia.
“As of now, we have information that at least several hundred Chinese nationals are fighting as part of Russia’s occupation forces,” ani Zelensky.
“This means Russia is clearly trying to prolong the war — even by using Chinese lives,” dagdag pa niya.
Sinabi ng Kyiv ngayong linggo na nahuli nila ang dalawang Chinese national sa eastern Donetsk region na lumalaban para sa Moscow.
Dahil dito ay sinabi ni Zelensky na posibleng nakikipagsabwatan ang Russia sa China para sa pananakop sa Ukraine.
Itinanggi naman ng Kremlin ang paratang ni Zelensky. RNT/JGC
