MANILA, Philippines – Isolated ang tatlong lugar sa Adams, Ilocos Norte dahil sa mga napinsalang kalsada dulot ng Bagyong Marce.
Ayon sa ulat, apektado ang Buracot, Sinidangan, at Cadisan ng mga nasirang kalsada.
Nakaranas din ng landslide ang mga nabanggit na lugar kung saan nagiging pahirapan ang clearing operations dahil sa masamang panahon.
Nagkukulang na rin umano ang calamity fund ng naturang bayan.
“We need help sa mga government, lalo na sa provincial government, national, humihingi kami ng tulong. Lalo na siguro yung mga equipment saka yung mga funded infrastructures and yung mga kailangan ng mga tao and mga replacement ng agricultural damages,” ani Julius Cascayan, Adams MDRRMO. RNT/JGC
