MANILA, Philippines – Balik-byahe na ang mga sasakyang pandagat sa ilang pantalan sa ilalim ng Port Management Office (PMO) ng Bicol ngayong araw, ika-26 ng Mayo taong 2024.
Alinsunod sa inilabas na sea travel advisory ng mga Coast Guard Stations ng Albay at Catanduanes kaninang alas-5 ng umaga, maaari ng maglayag ang mga barko sa mga sumusunod na pantalan:
Port of Matnog
Port of Bulan
Port of Castilla
Baseport Legazpi
Port of Tabaco
Port of Pio Duran
Port of Virac
Port of San Andres
Paalala ng Philippine Ports Authority sa mga apektadong pasahero na direktang makipag-ugnayan sa mga concerned shipping lines para sa karagdagang impormasyon.
Balik byahe na rin ang mga barko sa Masbate at Ticao patungong Sorsogon at iba pang karatig probinsya sa Visayas alinsunod sa ibinabang Sea Travel Advisory ng CGS-Masbate kaninang umaga.
Samantala, suspendido pa rin ang mga biyahe patungo sa Isla ng Burias, Hilagang bahagi ng Albay, Camarines Sur, at Quezon. Jocelyn Tabangcura-Domenden
