MANILA, Philippines – INANUNSYO ni Pangulong Ferdinand Marcos Jr. ang paglagda sa memorandum of agreement kasama ang iba’t ibang ahensiya ng pamahalaan at local government units sa Pampanga sa layuning labanan ang illegal recruitment at human trafficking.
Sinabi ito ng Pangulo sa kanyang naging talumpati sa isinagawang distribusyon ng Agarang Kalinga at Saklolo sa mga OFWs na Nangangailangan (AKSYON) fund assistance sa San Fernando, Pampanga.
“A Memorandum of Agreement was recently signed between the Department of Migrant Workers, the Department of Labor and Employment, TESDA [Technical Education and Skills Development Authority], and OWWA [Overseas Workers Welfare Administration], along with local government units and the Provincial Government of Pampanga,” ang sinabi ni Pangulong Marcos.
“And under this agreement, the member agencies, in partnership with the local government of Pampanga, will implement programs against illegal recruitment and human trafficking,” aniya pa rin.
Pinuri naman ng Pangulo ang mga OFWs para sa kanilang sakripisyo at maging sa pagiging kinatawan ng Pilipinas sa buong mundo.
“No words can express our gratitude for your sacrifice, for your love for your families, for your countrymen, and for your beloved Republic of the Philippines,”ang winika ni Pangulong Marcos.
Sa nasabing event, may 3,000 OFWs at indibiduwal na may kamag-anak na OFW mula sa 22 calamity-stricken towns sa lalawigan ang nakatanggap ng P5,000 sa pamamagitan ng AKSYON Fund Assistance ng DMW.
Makatatanggap din ang mga ito ng karagdagang P5,000 mula sa Office of the President. Makatutulong ito sa kanila na muling makabangon matapos ang kamakailan lamang na pananalasa ng bagyo na tumama sa lalawigan. Kris Jose
