MANILA, Philippines – Magsisilbi nang House Majority Leader ng House of Representatives si First son at Ilocos Norte Representative Sandro Marcos.
Nagmosyon si Iloilo Rep Lorenz Defensor para sa nominasyon ni Marcos na kinatigan naman ni House Speaker Martin Romualdez.
Sa edad na 31 anyos, si Marcos ang syang pinakabatang nahirang na Majority leader, bago ang nasabing posisyon ay nagsilbi ang batang Marcos bilang Senior deputy majority leader noong 19th Congress.
Bilang Majority leader ay awtomatikong magiging Chairman ng makapangyarihang House Committee on Rules si Marcos, ang nasabing komite ang syang nagtatakda kung ano ang gagawin sa plenary.
Samantala si Quezon 2nd District Rep. David “Jay-jay” Suarez ang nahirang naman na Senior Deputy Speaker, ang nasabing posisyon ang syang nakatoka sa pagbibigay assistrance sa Hosue Speaker kabilang dito ang pagpreside sa sessions at pagsasaayos ng legislative priorities.
Kabilang sa mga magiging Deputy Speakers ay sina Janette Garin (Iloilo, 1st District), Yasser Alonto Balindong (Lanao del Sur, 2nd District), Paolo Ortega V (La Union, 1st District), Jay Khonghun (Zambales, 1st District), Kristine Singson-Meehan (Ilocos Sur, 2nd District), Ronaldo Puno (Antipolo City, 1st District), Faustino Dy III (Isabela, 6th District), Ferjenel Biron (Iloilo, 4th District), and Raymond Democrito Mendoza (TUCP party list).
Pawang reelected naman sa pwesto sina Reginald Velasco bilang Secretary General at si retired Police Maj. Gen. Napoleon Taas bilang Sergeant-at-Arms. Gail Mendoza
