Manila, Philippines- Sa kanyang Instagram broadcast channel, ibinida ng French-Filipino businessman at dyowa ni Nadine Lustre na si Christophe Bariou na ginagawan o nagsusulat ng kanta ang girlfriend tungkol sa kanya.
Tinanong pa siya ng isang faney kung ano ang paborito nitong awitin ni Nadine.
Sagot niya: “The one she is currently writing about me. “
Hindi naman niya tinumbok kung ang ikino-compose ni Nadine ay ire-release sa publiko or for their own private consumption.
Nang mapag-usapan naman ito sa isang portal, samu’t-sari ang naging reaksyon ng mga Marisol.
Sey ng mga katikatera, ininggit daw ni Nadine ang ex na si James Reid.
Matatandaang sinabi noon ni James na inspirasyon niya ang former girlfriend sa isang kantang nilikha nito na ang dating ay tila may pagtatangi pa rin siya sa ex.
Last month naman, naging usap-usapan ang pag-unfollow ni Nadine sa dating Careless CEO sa IG pagkatapos ng naging panayam kay James kung saan sinabi nito na malabo na ang balk-tambalan ng JaDine.
Ito ay sa kadahilanang ayaw daw niyang I-disrespect ang kanyang current apple of the eye na si Issa Pressman na tinawag niyang sunflower o Marisol ng kanyang buhay. Archie Liao
