Jed, bumisita kay Kris!

California, USA – Sa kabila ng kanyang pagiging abala, nahanapan ni Jed Madela ng oras para dalawin sa Orange County sa LA, California si Kris Aquino.

For the record, isa ang singer sa mga celebrity friends na nabahala noon sa kalusugan ni Kris.

Matatandaang 2018 nang mag-alay ng get well song si Jed nang maiulat ang health scare kay Kris.

Na-diagnose noon na merong autoimmune disease si Kris that needed her to seek medical treatment abroad.

Sa Singapore muna siya nagpagamot, but eventually ended up staying in the US.

Mula noon ay hindi pa umuuwi si Kris sa bansa, pero hopefully raw pag gumanda na ang kanyang kundisyon sa September.

“Finally, got to meet ms. Kris, Kuya Josh and Bimb,” caption ni Jed sa larawang kuha nila sa kanyang Instagram post.

Dugtong niya: “Happy to see her. Had a lot of catching up to do!”

Kung hindi kami nagkakamali, si Jed ang pangalawang singer to have paid Kris a visit in her rented house.

Nauna nang nabalitang dinalaw siya doon ni Ogie Alcasid. Ronnie Carrasco III