Jennylyn, pipirma na sa GMA!

Manila, Philippines- Anytime soon ay balitang nakatakda nang mag-renew ng kanyang kontrata si Jennylyn Mercado sa GMA.

Matatandaang lumutang ang tsikang tatawid ang kauna-unahang alumna ng Starstruck sa ABS-CBN.

Pero pinabulaanan ito mismo ng taga-Kapamilya network sa dahilang mataas umano ang presyong ikinowt ng kampo nito.

Lumutang din ang tsismis na kinukunsidera ni Jennylyn na lumipat sa TV5.

Pero ang katapus-tapusan nga’y sa GMA pa rin ang bagsak ng aktres.

‘Yung sa ABS-CBN ay para lang sa pagre-record ni Jen under Star Music label.

Ang management company niya na Aguila Entertainment na rin naman ang nag-anunsyo na may dapat abangan kay Jen, only “wait and see.”

Ipinagtataka naman ng marami kung bakit natagalan ang planong renewal ni Jen ng kanyang kontrata.

Sey nga ng ilang netizens: “Sa GMA rin pala ang bagsak niya, bakit pinatagal pa niya?!”

Duda ng mga ito, totoo raw na nagbabalak lumipat ni Jen kaso nga lang–to quote the source–“no other network was willing to take

her in.”

Mula mismo sa kampo ng aktres, abangan na lang daw ang nalalapit na petsa ng kanyang contract renewal. Ronnie Carrasco III