MANILA, Philippines – Iimbestigahan na rin ng Office of the Ombudsman ang umano’y bagman ng nagbitiw na Department of Justice Undersecretary na si Jojo Cadiz kaugnay sa pagkakasangkot umano nito sa korapsyon ng flood control projects.
Ayon kay Assistant Ombudsman Mico Clavano, magtatalaga ng ‘fact-finding body’ ang tanod-bayan upang masilip ang kaugnayan ni Cadiz.
“Definitely, there is something that the Ombudsman has to look in to. Given all the allegations, however not yet sworn into. But there are other reports as well of his involvement and so definitely there will be a fact-finding body that will be didicated to that as well,” ani Assistany Ombudsman Mico Clavano.
Si Usec. Cadiz ay ilang beses na nabanggit ni dating Ako Bicol Party-list Rep. Zaldy Co sa kanyang facebook post kaugnay sa maanomalyang flood control projects.
Ayon sa dating mambabatas, nagsilbing ‘bagman’ si Cadiz sa korapsyon sa flood control.
Sa kabila ng mga mabibigat na alegasyon ni Co, hanggang ngayon ay bigo pa rin siya na magsumte ng kanyang sworn affidavit bilang pormal na basehan ng kanyang mga paratang. Jocelyn Tabangcura-Domenden
