MANILA, Philippines – Siniguro ng Department of the Interior and Local Government (DILG) na pananatilihin nito ang kaayusan ng publiko kasama ang Philippine National Police (PNP), sa Trillion Peso March ngayong araw, Nobyembre 30.
“The Department of the Interior and Local Government, together with the Philippine National Police, is fully prepared to ensure the safe and orderly conduct of the Trillion Peso March on November 30,” sinabi ng DILG.
“Our commitment would always be simple and firm: protect every citizen, maintain public order, and ensure that this mass action proceeds safely,” dagdag pa nito.
Ayon sa DILG, ang PNP “will deploy sufficient personnel across critical areas to manage crowds, respond to emergencies, and keep traffic moving.”
Sa pahayag, sinabi ni PNP acting chief Police Lieutenant General Jose Melencio Nartatez Jr. noong Biyernes na nakatakdang magpadala ang organisasyon ng mas malaking bilang ng mga tauhan.
“Let me be clear that law enforcement presence does not mean aggressive action. The order for maximum tolerance still remains,” dagdag pa niya.
Sa hiwalay na pahayag nitong Sabado, Nobyembre 29, sinabi ni Nartatez na kabilang sa preparasyon ng PNP ay ang strategic deployment ng kanilang mga tauhan, malakas na interagency coordination, positioning ng resources sa mga kritikal na lugar para pangasiwaaan ang daloy ng trapiko, emergency response at proteksyon.
Sinabi ng National Capital Region Police Office (NCRPO) na nasa 16,670 tauhan ang ipakakalat nito upang siguruhin ang kapayapaan at kaayusan sa November 30 anti-corruption rallies sa Metro Manila.
Sinuspinde rin ang mga permits to carry firearms outside of residence (PTCFORs) sa Metro Manila mula Nobyembre 29 hanggang Disyembre 1.
“Only law enforcement personnel performing official duties in proper uniform are allowed to carry firearms during this period,” ayon sa DILG.
“These measures are in line with the directives of President Ferdinand R. Marcos Jr. to guarantee public safety while upholding the constitutional right of Filipinos to peacefully assemble,” dagdag pa nito.
Samantala, hinimok ng DILG ang mga raliyista “to exercise their rights responsibly, follow lawful instructions from authorities, and contribute to an orderly and secure event.”
“This is an opportunity to show that our democracy works when freedom and responsibility go hand in hand.”
“Our mandate remains clear and that is to protect every life, respect every voice, and uphold the rule of law at all times,” pagtatapos ng DILG.
Idaraos ang Trillion Peso March sa EDSA People Power Monument.
Nasa 120,000 indibidwal ang inaasahang lalahok ayon kay Trillion Peso March Movement spokesperson Francis “Kiko” Aquino Dee.
Nag-oorganisa naman ng isa pang rally ang Kilusang Bayan Kontra Kurakot (KBKK) ng Luneta ngayong araw.
Gagawin din ang kabi-kabilang anti-corruption rallies sa iba’t ibang bahagi ng bansa ngayong araw. RNT/JGC
