TACLOBAN CITY – Patay ang isang barangay kagawad matapos pagbabarilin sa Barangay San Pablo, Ormoc City, Leyte nitong Huwebes, Hunyo 6.
Kinilala ang biktima na si Ramie Matuguine, 49, may asawa, kagawad ng Barangay Salvacion sa Ormoc.
Sinabi ng pulisya na si Matuguin ay nagmamaneho ng isang maliit na asul na hatchback at huminto sa harap ng isang tindahan.
Lumapit ang dalawang lalaking nakabuntot sa kanya at pinaputukan ang hindi inaasahang biktima.
Tumakbo si Matuguin sa loob ng tindahan habang tumakas ang mga armadong lalaki sakay ng motorsiklo patungo sa Ormoc City proper.
Nagtamo siya ng mga tama ng bala at dinala sa isang ospital sa Kananga, Leyte.
Natagpuan ng pulisya ang anim na fired cartridge ng kalibre .45 na pistola, isang discharged na bala, at isang deformed slug sa pinangyarihan ng krimen.
Naglunsad ng dragnet operations ang Ormoc City Police Station 1 katuwang ang mga karatig istasyon ng pulisya para matunton ang mga suspek. RNT
