BAGUIO CITY, Philippines – Isang kapwa-akusado ni dating Senador Ramon Bong Revilla Jr. sa kasong plunder ang inaresto ng PNP–Criminal Investigation and Detection Group (CIDG) sa lalawigan ng Benguet madaling-araw ng Martes, Enero 20.
Ayon kay DILG Secretary Juanito Victor Remulla, ang inaresto ay si Christina Mae del Rosario Pineda, 38, cashier ng Department of Public Works and Highways (DPWH) Bulacan First District Engineering Office.
Sinubukan umano ni Pineda na magtago, ngunit natunton siya ng mga tauhan ng CIDG–Mountain Province Provincial Field Unit kasama ang 1st Provincial Mobile Force Company ng Benguet Police Provincial Office.
Naaresto si Pineda bandang 12:40 ng madaling-araw sa Barangay Bangao, Buguias, Benguet, batay sa warrant of arrest na inilabas ng Sandiganbayan Third Division.
Siya ay kabilang sa anim na taong sinampahan ng kasong malversation ng Sandiganbayan kaugnay ng P92.8 milyong ghost project sa Pandi, Bulacan, na iniuugnay sa maling paggamit ng Priority Development Assistance Fund (PDAF) ni Revilla. RNT/MND
