Mga mangingisda sa Navotas, pinarangalan

Binigyang-pugay ni Navotas Mayor John Rey Tiangco ang sipag at dedikasyon ng mga fisherfolk sa Araw ng Mangingisda kaugnay ng pagdiriwang ng 120th Navotas Day.

Itinanghal bilang Top 1 Most Outstanding Fisherfolk si Mang Jacinto Pascual Jr. mula sa Brgy. Sipac-Almacen.

Nakatanggap siya ng P15,000 cash, P15,000 worth of groceries, at Ulirang Pamilyang Mangingisda Scholarship para sa kanyang anak o kapamilya.

Pinangunahan naman ng Team NavoBangka #168 na si Noah Kaiser Allen Faye ang Karera de Sagwan. Wagi naman sa Net Mending Competition sina Rogelio Tamalla Jr. ng Brgy. Navotas West at Sarah Bernabe ng Brgy. Tanza I.

At sa unang pagkakataon, nagkaroon din ng student division sa Net Mending Competition kung saan nasungkit ni Carla Fontillas ng Tanza National High School ang panalo. Jojo Rabulan