MANILA, Philippines- Itinanggi ng isang local public relations (PR) firm nitong Biyernes ang mga akusasyong kinuha sila ng Chinese Embassy sa Pilipinas upang magsagawa ng “troll operations, disinformation, or illicit digital activity” sa bansa.
Hinihikayat ng NSC ang Chinese embassy ang umano’y bayad para sa ‘keyboard warriors.’
“We are not trolls—we are professionals. Our firm does not, and will never, engage in trolling, online harassment, or deception… The reckless labeling of our services as ‘troll activity’ is false, defamatory, and endangers our people and clients,” giit ng InfinitUs Marketing Solutions, Inc. sa pahayag na ipinalabas ng legal representative nitong Labe Law Office.
Kasunod ito ng pahayag ni Senate Majority Leader Francis Tolentino sa isang pagdinig noong nakaraang linggo na kinuha umano ng Chinese Embassy ang PR firm upang magtrabaho bilang “keyboard warriors” at magpakalat ng pekeng impormasyon sa social media.
Tinawag ng PR firm ang akusasyon na malisyoso at walang basehan, idinagdag na ang “service agreement” na iprinisinta sa Senate hearing ay “unauthenticated” at posible umanong “a forgery crafted to fit a political narrative.”
“No such contract exists. We categorically deny having any agreement with the Chinese Embassy—or any foreign government—for troll operations, disinformation, or illicit digital activity… InfinitUs Marketing Solutions, Inc. [is] a duly registered and law-abiding Filipino,” giit nito.
Matatandaang ipinakita ni Tolentino ang kopya ng September 11, 2023 na tsekeng nagkakahalaga ng P930,000 na aniya’y ibinayad ng Chinese Embassy sa InfinitUs.
“The check is real—but legal and justified. InfinitUs lawfully provides services to a range of clients, including diplomatic institutions,” paliwanag ng kompanya.
Sinita naman nila si Tolentino sa “unauthorized public exposure of our financial records.”
Itinanggi rin ng China ang mga alegasyon, sinabing wala itong interes sa pakikialam sa Pilipinas. RNT/SA
