SAN JOSE DE BUENAVISTA, Antique – Si Mart Mariano mula sa Barangay Cabunga-an, San Remigio ang kauna-unahang Pantawid Pamilyang Pilipino Program (4Ps) child beneficiary sa Antique na nakapasa sa Bar Examination.
Ayon kay Jeffrey Gabucay, 4Ps Antique Provincial Link, ang tagumpay ni Mariano ay patunay na hindi hadlang ang kahirapan sa tagumpay.
Idinagdag niya na bibigyan ng prayoridad si Mariano sa employment sa Department of Social Welfare and Development batay sa posisyong akma sa kanyang kwalipikasyon.
Lumabas sa 4Ps ang pamilya ni Mariano noong 2023, at kasalukuyan siyang nagtuturo sa Junior at Senior High School sa St. Vincent High School of San Remigio.
Binuong pagbati ni San Remigio Mayor Margarito Mission kay Mariano, at binanggit din na ang malayong barangay ng Cabunga-an ay nakapagtala na rin ng kauna-unahang Registered Nurse. May 23 bagong abogado na ngayon sa Antique matapos ang 2025 Bar results.
Sa Laoag City, nakapasa rin si April Mae Santos, administrative aide at provincial security guard sa Ilocos Norte Capitol, matapos mabigo sa 2024 Bar.
Nag-aral si Santos sa Northwestern University of Laoag habang nagtatrabaho full-time at nag-aalaga ng anak.
Pinuri ni Governor Cecilia Araneta-Marcos sina Santos at kapwa passer na si Marjhon Domingo, na nagsisilbing halimbawa ng kahusayan sa pampublikong serbisyo. RNT
