MANILA, Philippines -Nagpunta pa sa dalawang establisyimento sa Quezon City ang unang pasyente ng mpox ngayong taon dito bansa.
Ayon sa mga awtoridad, tinutunton na nila ang mga close contacts nito.
Sa ulat, ang 33-anyos na Filipino patient ay nagtungo sa isang dermatology clinic at isang massage spa sa E. Rodriguez Avenue, ayon kay Quezon City Mayor Joy Belmonte.
Aniya, agad na ipinasara ng mga awtoridad ang naturang spa nang madiskubre nilang paso na rin pala ang permit nito.
Sinabi ng lokal na pamahalaan na naka-quarantine na ang 41 close contacts ng pasyenteng may mpox.
Matatandaan na noong nakaraang linggo ay idineklara ng World Health Organization ang mpox surge bilang isang public health emergency of international concern, o pinakamataas na alert level.
Ang lalaking Pinoy na tinamaan ng naturang virus ay walang travel history sa labas ng bansa. RNT/JGC
