Kawhi atras sa Team USA sa Olympics

MANILA, Philippines –  Bumitiw na sa paglalaro si Kawhi Leonard para sa Team USA na sasabak sa Paris Olympics.

Sa ulat, sinabi ng USA Basketball Team mas pinili ni Leonard na iprayoridad ang paglalaro sa Los Angeles Clippers para sa bagong season ng NBA.

Matatatandaang noong huling NBA season ay nakapaglaro lang ito ng walong beses dahil sa kanyang injury sa kanang tuhod.

Nagtangka itong maglaro sa first round playoffs kontra Dallas Mavericks subalit hindi pa rin siya pinayagan.

Ito umano ang dahilan kaya nagdesisyon itong USA Basketball team na ipalit na lamang si Derrick White ng Boston Celtics.

Sasabak sa exhibition games ang Team USA kontra Canada bilang paghahanda sa Olympics na gaganapin ito sa Las Vegas.JC