PASAY – Dinakma ang isang drug suspect na subject ng surveillance ng mga miyembro ng Pasay City Police Station Intelligence Section (SIS) sa loob ng isang pampublikong sementeryo sa lungsod noong Lunes, Abril 15.
Sa ulat ng Southern Police District (SPD), naaresto ang suspek na kinilalang si alyas Kim, 32, dakong alas-11:00 ng gabi. sa pampublikong sementeryo ng Pasay City.
Sinabi ng SPD na ang mga miyembro ng SIS ay nakatanggap ng impormasyon mula sa isang impormante sa ilegal na aktibidad ng kalakalan ng suspek.
Dagdag pa na nakumpiska ng mga miyembro ng SIS mula sa suspek ang isang plastic sachet na naglalaman ng humigit-kumulang 52.16 gramo ng shabu na nagkakahalaga ng ₱347,888.00.
Nakakulong ngayon ang suspek sa SIS police custodial facility. RNT
